राजापूर : तालुक्यातील चिखलगाव येथील एम. सी. बेटीगेरी, कन्स्ट्रक्शन कंपनीच्या गोडावूनचे शटर उचकटून २ लाख १७ हजाराचा ऐवज चोरुन नेल्याची घटना ३० ऑक्टोबर ते ६ नोव्हेंबर दरम्यान दुपारी अडीच वाजण्याच्या दरम्यान घडली. याबाबतची फिर्याद गणेश पांडुरंग चव्हाण (३३, वाकेड, लांजा) यांनी राजापूर पोलीस ठाण्यात दिली.
पोलिसांनी दिलेल्या माहितीनुसार, चिखलगाव येथे एम. सी. बेटीगेरी, कन्स्ट्रक्शन नावाची कंपनी आहे. या कंपनीच्या गोडावून मध्ये कन्स्ट्रक्शनसाठी लागणारे साहित्य ठेवण्यात आले होते. या गोडावूनचे लोखंडी शटर उचकटून तसेच लाकडी दरवाजाचे लॉक तोडून १८ हजाराचा इलेक्ट्रीक पंप, १० हजाराचे एबल कंपनीचे इलेक्ट्रीक व्हायब्रेटर, ९ हजारांचा रॉकेल, पेट्रोल व्हायब्रेटर, ३५०० रुपयांचा व्हायब्रेटर निडल, १३ हजाराचा एच. पी. कपनीचा रॉकेल, पेट्रोल पंप, ९ हजाराचा रॉकेल, पेट्रोल पंप, ५०० चे लोखंडी घन, ४००० हजारांची कॉपर वायर, १ लाख ५० हजारांच्या २५० लोखंडी सेंट्रींग प्लेटा असा एकूण २ लाख १७ हजारांचा ऐवज चोरीस गेला. गणेश चव्हाण यांनी दिलेल्या फिर्यादीनुसार अज्ञातावर गुन्हा दाखल करण्यात आला आहे.
