मंडणगड:-सध्या मंडणगड बोरीचा माळ-मेढाळ येथे राहणाऱ्या व मूळच्या कराड-उंब्रज येथील शितल दीपक गायकवाड (31) या विवाहितेने मेढाळ येथील राहत्या घरी मंगळवारी दुपारी 3.30 च्या सुमारास गळफास घेऊन आत्महत्या केली. या बाबत मंडणगड पोलीस ठाण्यात आकस्मिक मृत्यू म्हणून नोंद करण्यात आली आहे.
शीतल गायकवाड यांनी मेढाळ येथील घरी घरात कोणी नसताना अज्ञात कारणावरून घरातील आतील खोलीमध्ये सिलिंग फॅनला नायलॉन दोरीने गळफास लावून घेतला. ही बाब शेजाऱ्यांच्या लक्षात आल्यावर त्यांना मंडणगड ग्रामीण रुग्णालयात दाखल केले असता तेथील वैद्यकीय अधिकाऱ्यानी मृत घोषित केले.
