लांजा:-मुंबई-गोवा महामार्गावरील आंजणारी बुधवारी सायंकाळी 6.30 वाजण्याच्या सुमारास ऑईलचा टँकर पलटी होऊन दुचाकी वाहने घसरण्याचे प्रकार सुरू आहेत.
सविस्तर वृत्त असे की, बुधवारी सायंकाळच्या सुमारास गोव्याहून मुंबईच्या दिशेने तेलवाहू टँकर चालला होता. लांजा येथील आंजणारी घाटात टँकर आला असता अवघड वळणावर चालकाला गाडीवर ताबा मिळवता न आल्याने टँकर पलटी झाला. अपघातात चालकाला किरकोळ दुखापत झाली आहे. मात्र टँकर मधील ऑईल रस्त्यावर पडल्याने मोठी खळबळ उडाली होती. दोन्ही बाजूला जाणारी वाहने घसरण्याचे प्रकार होत होते. दुचाकीही घसरण्याचे प्रकार घडले. अपघाताची माहिती मिळताच लांजा पोलीस घटनास्थळी दाखल झाले. वाहतूक थाबवून रस्त्यावरील ऑईल बाहेर काढण्यासाठी प्रयत्न करण्यात आले.
