दापोली:-दापोली तालुक्यातील कोंगळे सुकोंडी येथील तरुणाचा शेतात बांधावरून पडून जखमी झाल्याने उपचारासाठी मुंबई येथे नेले असता मृत्यू झाल्याची घटना घडली. संजय बबन साळवी (43) असे मृत्यू झालेल्या तरुणाचे नाव आहे.
दापोली पोलिसांनी दिलेल्या माहितीनुसार संजय साळवी हे आपल्या शेतामध्ये काम करण्यासाठी गेलेले होते. त्यावेळी काम करत असताना बांधावरून तोल जाऊन ते खाली पडले. त्यावेळेस त्यांच्या मानेला व उजव्या पायाला गंभीर दुखापत झाली. त्यांच्यावर प्राथमिक उपचार करून रत्नागिरी येथे सरकारी रुग्णालयामध्ये दाखल करण्यात आले. तेथून अधिक उपचाराकरिता केईएम हॉस्पिटल मुंबई येथे दाखल करण्यात आले. मंगळवार दिनांक 29 ऑगस्ट रोजी सकाळी सकाळी 8:53 वाजता त्यांचा मृत्यू झाला. दापोली पोलीस स्थानकात दिनांक 1 नोव्हेंबर रोजी आकस्मिक मृत्यू म्हणून नोंद करण्यात आली. या प्रकरणाचा अधिक तपास दापोली पोलीस करीत आहेत.
