नवी दिल्ली:-झारखंड विधानसभा निवडणुकीची रणधुमाळी आता शिगेला पोहचली आहे. आज (दि.३) केंद्रीय गृहमंत्री अमित शहा यांनी भाजपचा जाहीरनामा प्रसिद्ध केला. त्याला ‘संकल्प पत्र’ असे नाव देण्यात आले आहे.
यावेळी अमित शहा यांनी झारखंडमधील सत्ताधारी झामुमो-काँग्रेस सरकारवर जोरदार हल्लाबोल केला. तसेच राज्यात भाजपची सत्ता आल्‍यास महिलांना प्रत्येक महिन्‍याला २१०० रुपये, मोफत गॅस सिलिंडर आदींसह घोषणांचा पाऊसच जाहीरनाम्‍यात पाडण्‍यात आला आहे. ( Jharkhand Election 2024)
मोफत गॅस सिलिंडर, महिलांना २५ हजार रुपये
अमित शहा म्हणाले की, मला भघजपच्‍या जाहीरनाम्यातील काही ठराव वाचायला आवडतील, ‘सर्वप्रथम माता-भगिनींसाठी… गोगो दीदी योजनेच्या माध्यमातून भाजप सरकार दर महिन्याच्या 11 तारखेला तुमच्या खात्यात 2100 रुपये जमा करेल. . दिवाळी आणि रक्षाबंधनाला प्रत्येकी एक गॅस सिलिंडर मोफत दिला जाईल. भगिनींना सर्वाधिक 500 रुपये दराने गॅस सिलिंडर देण्यात येणार आहे. कोणाकडूनही जास्त पैसे घेतले जाणार नाहीत. अशा स्थितीत भाजपने महिलांना दरवर्षी २५,२०० रुपये (प्रति महिना २१००) देण्याचे आश्वासन त्‍यांनी दिले.
5 लाख नोकऱ्या, 3 लाख सरकारी पदे भरणार
‘आम्ही झारखंडपमध्‍ये पुढील पाच वर्षांत राज्यातील तरुणांसाठी ५ लाख नोकऱ्या निर्माण करू. झारखंडच्या तरुणांनो, हे हेमंत सोरेनचे वचन मानू नका. पाच वर्षे पूर्ण होण्यापूर्वी मी स्वतः येऊन त्याचा हिशोब देईन. जवळपास तीन वर्षांसाठी शासकीय पदांवर सनदशीर पद्धतीने भरती होणार आहे. भाजप सरकार आपल्या परीक्षेसाठी वार्षिक कॅलेंडर जारी करणार आहे. दरवर्षी एक लाख तरुणांना रोजगाराच्या संधी उपलब्ध करून देणार असल्‍याचेही त्‍यांनी सांगितले.
शिक्षण घेणाऱ्या विद्यार्थ्यांना दरमहा दोन हजार रुपये
‘झारखंडमधील प्रत्येक पदवीधर आणि पदव्युत्तर पदवीधर तरुण, जे आपले करिअर घडवण्यासाठी धडपडत आहेत, त्यांना दरमहा 2000 रुपये दिले जातील. याला युवा साथी भत्ता असे म्हटले जाईल. हे दोन हजार तुमचा प्रश्न सोडवू शकत नाहीत. पण तुम्हाला रोजगार मिळवण्यासाठी कराव्या लागणाऱ्या संघर्षात मदत होईल. तुमचा मान राखून आम्ही तुम्हाला दरमहा दोन हजार रुपये देऊ, अशी ग्‍वाहीही भाजपने आपल्या जाहीरनाम्‍यात दिली आहे.
प्रत्येक गरिबाला कायमस्वरूपी घर देणार : अमित शहा
‘आम्ही वचन देतो की, आम्ही पाच वर्षांत प्रत्येक गरीबाला कायमस्वरूपी घर देऊ. झारखंड सरकारमुळे 21 लाख लोकांना पीएम आवास मिळाला नाही, तो आम्ही त्वरित पूर्ण करू. आम्ही अवैध घुसखोरी थांबवू. कठोर कायदेशीर कारवाई करून, ताब्यात घेतलेली जमीन झारखंडच्या मुलींच्या नावावर परत केली जाईल.
