रत्नागिरी:-शहरातील आरोग्य मंदिर येथे दुचाकीस्वाराने रिक्षाला धडक दिल़ी. या अपघातात दुचाकीस्वारासह रिक्षा चालक व प्रवासी जखमी झाले. ही घटना गुरुवारी रात्री 12 च्या सुमारास घडली. जखमींना उपचारासाठी जिल्हा शासकीय रुग्णालयात दाखल करण्यात आले. या घटनेची नोंद रत्नागिरी शहर पोलिसात करण्यात आली आह़े.
रिक्षा चालक लतीकेश कमलाकर भोरे हे रिक्षा (एमएच -08बीसी 0494) घेऊन सोबत त्यांच्या शेजाऱ्याना उपचारासाठी रत्नागिरीत घेऊन येत असताना नाचणे-पॉवरहाऊस बसस्टॉप येथे आरोग्य मंदिरकडे वळत होत़े. यावेळी मारुती मंदिरकडून येणारी दुचाकीवरील (एमएच-08 एबी 7705) स्वार आर्यन संतोष नागवेकर (20) याने रिक्षाला जोरदार धडक दिली. या धडकेत रिक्षातील प्रवाशांसह दोन्ही चालक जखमी झाले.
