खेड : तालुक्यातील देवणा पुलानजीक मोटारीतून विक्रीसाठी नेण्यात येणारा गांजा येथील पोलिसांनी गुरुवारी पहाटे दोनच्या सुमारास पकडला. याप्रकरणी दोघांना अटक करून मोटार जप्त करण्यात आली. मुस्तकिम जहांगीर कादिरी, आतीक राऊफ कादिरी (दोघेही रा. नांदगाव मोहल्ला, खेड) अशी अटक केलेल्या दोघांची नावे आहेत. गुरुवारी पहाटे दोन वाजता संशयित दोघे मोटारीतून (एमएच ०५ सीए २४३६) गांजाचा साठा घेऊन विक्री करीत असल्याची माहिती पोलिसांना मिळाली. पोलिसांनी पहाटे दोन वाजता देवणा पुलावर दोघांकडून ९ हजारांचा ४५० ग्रॅम गांजा जप्त केला. याशिवाय दोन मोबाईल, एक हजार रुपये रोख व मोटार असा ऐवज जप्त करण्यात पोलिसांना यश आले. या दोघांवर गुन्हा दाखल करून अटक केली आहे.
गांजा बाळगणाऱ्या दोघांना अटक
