मुंबई:- माजी मुख्यमंत्री पृथ्वीराज चव्हाण यांनी आरोप केला आहे की, शिवसेना फोडण्यासाठी सरकारने राजमान्यतेसह ‘सैनिकी ऑपरेशन’सारखी योजना आखली होती. सर्व सरकारी यंत्रणांना या कार्यासाठी वापरण्यात आली, असा आरोप त्यांनी केला.
मोदी सरकारचे ‘ना खाऊंगा, ना खाने दूंगा’ हे भ्रष्टाचारविरोधी वचन यावरून हास्यास्पद ठरते.
महिलांना फक्त १५०० रुपये देऊन मतांसाठी खुश करण्याचा प्रयत्न भाजप करत असल्याचा आरोप चव्हाण यांनी केला. तसेच भाजप नेते जया थोरात यांच्या विरोधात खोटी वक्तव्ये करतात, मात्र त्याची माफी मागत नाहीत. यातून भाजपच्या महिलांविषयक मानसिकतेचे दृष्टाकोनाचे दर्शन घडते, असे चव्हाण यांनी म्हणाले.
सिंचन घोटाळ्याबद्दल स्वतःवर लावलेल्या आरोपांबाबत स्पष्टता देताना चव्हाण म्हणाले की, त्यांनी फक्त श्वेतपत्रिका काढण्याची सूचना केली होती; एफआयआर किंवा चौकशीची मागणी केली नव्हती. त्यावेळी घोटाळा असा शब्दही वापरण्यात आला नव्हता. भ्रष्टाचारविरोधी विभागाने चौकशीसाठी प्रस्ताव दिला असताना, गृहमंत्र्यांनी त्याला मान्यता दिली. या प्रकरणात माझा कोणताही सहभाग नसतानाही मला शिक्षेसारखी परिस्थिती भोगावी लागली आणि आमचे पाडले गेले, अशी खंत त्यांनी व्यक्त केली.
मोदींनीही भोपाळमधील भाषणात सिंचन प्रकरणातील भ्रष्टाचाराची कबुली दिली होती. त्यामुळे यासंदर्भात वेगळ्या पुराव्याची आवश्यकता नसल्याचे चव्हाण यांनी ठामपणे सांगितले.
चव्हाण यांच्या या टीकेमुळे राज्याच्या राजकारणात भाजपवर चौफेर प्रहार होताना दिसत आहेत आणि शिवसेना फोडण्यामागील राजकीय हस्तक्षेपावरही प्रश्न उपस्थित होऊ लागले आहेत.
