महाड:-रायगड जिल्ह्यातील महाड तालुक्यातील महाड पोलीस ठाण्यात कार्यरत असलेल्या सागर गायकवाड यांचा गुरूवारी सकाळी 9.30 च्या सुमारास हृदयविकाराच्याचल झटक्याने मृत्यू झाला.
महाड पोलीस ठाण्यात ते वॉरंट बजावण्याचे काम करत असताना अचानक त्यांच्या छातीत दुखायला लागले. उपचारासाठी तातडीने महाड येथील देशमुख यांच्या खासगी रूग्णालयामध्ये दाखल करण्यात आले होते. या ठिकाणी उपचारापूर्वीच त्यांचे निधन झाले. त्यांनी महाड शहर, म्हसळा, पोलादपूर, रायगड जिल्हा अधीक्षक कार्यालय, महाड वाहतूक पोलीस आदी ठिकाणी सेवा बजावली होती. ते मूळो सातारा जिल्ह्यातील आहेत. त्यांची पत्नी पोलीस खात्यात पोलीस हवालदार म्हणून कार्यरत आहेत. त्यांच्या पश्चात पत्नी, एक मुलगी, एक मुलगा असा परिवार आहे.
