चिपळूण:-शहरातील खेंड-बावशेवाडी येथून साधना सुंदर कामेरकर ही 84 वर्षीय वृध्द महिला बेपत्ता झाल्याची घटना काही दिवसांपूर्वी घडली. या प्रकरणी चिपळूण पोलीस ठाण्यात नोंद करण्यात आली आहे. या बाबतची खबर दिनेश सुंदर कामेरकर (57, खेंड-बावशेवाडी) यांनी दिली.
पोलिसांनी दिलेल्या माहितीनुसार, 14 रोजी सायंकाळी 4 च्या सुमारास साधना कामेरकर या खेंड येथील त्यांच्या चुलत बहीण सुनिता कोळवणकर त्यांच्या घरातून पुन्हा खेंड येथे घरी जाते, सांगून निघून गेल्या. मात्र त्या पुन्हा घरी आलेल्या नाहीत. त्यांच्या नातेवाईकांनी शोध घेतला असता त्या कोठेही सापडून आलेल्या नाहीत. त्यांची उंची 5 फुट असून रंग सावळा आहे. तसेच केसाला तांबडी मेहंदी लावलेली असून पांढरी व गुलाबी रंगाची साडी परिधान केली आहे. वरील वर्णनाची व्यक्ती आढळल्यास या बाबत चिपळूण पोलीस ठाण्यात माहिती द्यावी, असे आवाहन करण्यात आले आहे. अधिक तपास पोलीस हेडकॉन्स्टेबल अतुल ठाकूर करीत आहेत.
