रत्नागिरी:-शहरातील मेस्त्री हायस्कूल पाठीमागील जागेत हेरॉईन बाळगणाऱ्या संशयिताला शहर पोलिसांकडून अटक करण्यात आल़ी इबादुल्ला मुजीब पावसकर (26, रा.राजीवडानाका रत्नागिरी) असे संशयिताचे नाव आहे. त्याच्या ताब्यातून 36 हजार रुपयांचा मुद्देमाल हस्तगत करण्यात आला.
मेस्त्री हायस्कूल पाठीमागील निवखोल येथे हेरॉईनची विकी होणार असल्याची माहिती पोलिसांना मिळाली होती. त्यानुसार रविवारी दुपारी 12.25 वाजण्याच्या सुमारास पोलिसांनी छापा टाकून कारवाई केल़ी यावेळी संशयित आरोपी याच्या ताब्यात हेरॉईन हा अंमली पदार्थ आढळून आला. त्यानुसार पोलिसांनी त्याच्याविरुद्ध गुन्हा दाखल केला.
