गुहागर/उदय दणदणे:-आगामी विधानसभा निवडणुकीच्या पार्श्वभूमीवर महाराष्ट्र नवनिर्माण सेना गुहागर वतीने पालशेत-निवोशी ग्रामपंचायत महसूल क्षेत्रातील मनसेच्या नूतन पद नियुक्त्या जाहीर करण्यात आली असून पालशेत विभाग अध्यक्षपदी प्रसाद विखारे, पालशेत विभाग महिला अध्यक्षपदी अनिता दणदणे, निवोशी शाखा अध्यक्ष पदी संदेश धावडे,निवोशी शाखा उपाध्यक्ष अनिल दणदणे आदी मनसे कार्यकर्त्यांची पद नियुक्त्या करण्यात आली आहे. मनसे गुहागर तालुका संपर्क अध्यक्ष प्रमोद गांधी, जिल्हाध्यक्ष संतोष नलावडे,जिल्हा उपाध्यक्ष विनोद जानवळकर,तालुका अध्यक्ष सुनील हळदणकर यांच्या उपस्थितीत, मार्गदर्शनाखाली ,शुभहस्ते निवडपत्र देत शुभेच्छा देण्यात आल्या. आगामी विधानसभा व ग्रामपंचायत, पंचायत समिती अशा विविध निवडणुकीत मनसेला मोठ्या मताधिक्याने या निवडणुकीत यश मिळवायचे आहे. पालशेत- निवोशी विभागात मनसे पक्ष घराघरांत पोहचण्यासाठी याठिकाणी येथील मनसे सैनिक जोमाने तयारीला लागले आहेत. पालशेत-निवोशीत गावच्या राजकीय पटलावर मनसेने दमदार असे पाऊल टाकले असून त्यामुळे इथे प्रस्थापित पक्षांना मोठे आव्हान उभे राहिले आहे.
गुहागर मनसेच्या पालशेत-निवोशी विभागाच्या पद नियुक्त्या जाहीर
