लांजा : पंचायत समिती माध्यमिक विभागाच्यावतीने घेण्यात आलेल्या तालुकास्तरीय पावसाळी शालेय कबड्डी स्पर्धेत १९ वर्षाखालील गटांमध्ये लांजा ज्युनिअर कॉलेजने प्रथम क्रमांक पटकावला.
लांजा पंचायत समिती व श्रीराम विद्यालय वेरवली बुद्रुक यांच्या संयुक्त विद्यमाने तालुकास्तरीय पावसाळी क्रीडा स्पर्धा आयोजित करण्यात आल्या होत्या. या स्पर्धा श्रीराम विद्यालय वेरवली बुद्रुक प्रशालेच्या पटांगणावर पार पडल्या. कबड्डी १९ वर्षाखालील गट मुलगे प्रथम क्रमांक ज्युनिअर कॉलेज लांजा, द्वितीय क्रमांक हर्चे कॉलेज, तृतीय क्रमांक शिपोशी कॉलेज. यासह कबड्डी १९ वर्षाखालील मुलींच्या गटामध्ये प्रथम क्रमांक ज्युनिअर कॉलेज लांजा, द्वितीय क्रमांक रिंगणे कॉलेज तर तृतीय क्रमांक विद्यदिप कॉलेज लांजाने यश संपादन केले. विजेत्या स्पर्धक संघांना मान्यवरांच्याहस्ते गौरवण्यात आले.
