क्रीडा : पावसामुळे सध्या पहिला दिवस आटोपला असला तरी देखील एका घटनेने कानपूरमध्ये खळबळ उडाल्याचं पहायला मिळतंय. बांगलादेश क्रिकेट टीमचा सुपर फॅन टायगर रॉबी याला काही सामना पहायला आलेल्या लोकांकडून मारहाण झाल्याची घटना समोर आली आहे. त्याचा व्हिडीओ देखील व्हायरल झाला आहे.
दुसऱ्या कसोटी सामन्याच्या पहिल्या दिवशी सुपर फॅन टायगर रॉबी या बांगलादेश क्रिकेट चाहत्याला प्रेक्षकांच्या गॅलरीत काही प्रेक्षकांनी त्रास दिल्याचा आरोप करण्यात आलाय. हा फॅन स्टँडमधून बाहेर आला तेव्हा तो वेदनेने ओरडत होता. त्यामुळे काही प्रेक्षकांनी त्याला बसण्यासाठी खुर्ची दिली पण तो जमिनीवर पडला. ज्यावेळी पोलिसांनी याची खबर लागली, तेव्हा पोलिसांनी त्या रॉबी फॅनला रुग्णलयात भरती केलं.
दरम्यान, रॉबी फॅनवर प्राथमिक उपचार करण्यात आले आणि त्याच्यासाठी ॲम्ब्युलन्स मागवण्यात आली, असं पोलिस अधिकाऱ्यांनी सांगितलं आहे. पण प्रेक्षकावर झालेल्या हल्यामुळे सुरक्षा व्यवस्थेवर प्रश्नचिन्ह उपस्थित होताना दिसतायेत.
