जिल्हास्तरीय पिस्तूल शूटिंग स्पर्धेत सर्वंकष विद्या मंदिरच्या साद अश्फाक काझीला कांस्य पदक

रत्नागिरी : क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय रत्नागिरी यांच्याद्वारे आयोजित जिल्हास्तरीय शालेय रायफल शुटिंग क्रीडा स्पर्धा एस. व्ही. जे. सी. टी. क्रीडा संकुल,डेरवण, ता. चिपळूण येथे मोठ्या उत्साहात संपन्न झाल्या. यामध्ये सर्वंकष विद्या मंदिर रत्नागिरी शाळेचा विद्यार्थी साद काझी (इयत्ता दहावी) ह्याने 17 वर्षाखालील ओपन साईड पिस्तूल शूटिंग स्पर्धेमध्ये उत्तम गुण मिळवून तृतीय क्रमांक प्राप्त करत कांस्य पदक पटकावले आहे. साद काझी ह्याची कोल्हापूर विभागीय पिस्तूल शूटिंग स्पर्धेसाठी निवड झाली आहे.