संत गोरोबा काका कुंभार समाजातर्फे आयोजन
लांजा : लांजा तालुका श्री संत गोरोबा काका कुंभार यांच्यावतीने दहावी, बारावी आणि स्पर्धा परीक्षांमध्ये यशस्वी झालेल्या विद्यार्थ्यांच्या गुणगौरव समारंभाचे आयोजन करण्यात आले आहे.
श्री संत गोरोबा काका कुंभार समाजाच्यावतीने दरवर्षी लांजा तालुक्यात विविध उपक्रम राबविले जातात. त्याचप्रमाणे यावर्षीही दहावी, बारावी आणि स्पर्धा परीक्षांमध्ये यशस्वी झालेले विद्यार्थ्यांचा गुणगौरव समारंभ रविवार २२ सप्टेंबर रोजी सकाळी १० वाजता लांजा शहरातील बसवेश्वर सदन येथे आयोजित करण्यात आले आहे. या गुणगौरव समारंभा निमित्त नेत्र तपासणी शिबीर, शैक्षणिक मार्गदर्शन तसेच विविध क्षेत्रात उल्लेखनीय कामगिरी करणाऱ्या व्यक्तिंचा सत्कार करण्यात येणार आहेत.
तरी या कार्यक्रमाला उपस्थित राहून नेत्र तपासणी शिबीर तसेच शैक्षणिक मार्गदर्शन याचा लाभ घ्यावा असे आवाहान श्री संत गोरोबा काका कुंभार समाजाच्यावतीने करण्यात आले आहे.
