कोकण रेल्वेकडून सन्मान
रत्नागिरी : उडपी रेल्वेस्टेशनवर चालत्या ट्रेनखाली जाणाऱ्या प्रवाशाचे प्राण वाचवण्याची धाडसी कामगिरी रेल्वे पोलीस अपर्णा के. टी. यांनी शुक्रवारी केली.
कोकण रेल्वेच्या धाडसी रेल्वे पोलीस अपर्णा यांना तातडीने 5,000 रुपये देऊन कोकण रेल्वेकडून सन्मानित करण्यात आले. मंगलोर ते मडगाव 06602 ही ट्रेन शुक्रवारी सकाळी उडपी स्टेशनवरून मडगावला निघाली होती. यावेळी एक प्रवासी ट्रेन पकडायला जात असताना अचानक प्लॅटफॉर्मवरून पाय घसरून या ट्रेनखाली जात असल्याचे कार्यरत आरपीएफ अपर्णा यांच्या निदर्शनास आले त्यांनी प्रसंगावधान राखून त्या प्रवाशाला धावत जाऊन बाहेर काढले आणि प्राण वाचवले. दरम्यान चालत्या ट्रेनमध्ये प्रवाशांनी चढण्याचा किंवा उतरण्याचा प्रयत्न करू नये, असे आवाहन कोकण रेल्वेने केले आहे.
