देवरुख/प्रतिनिधी:-जनतेचा बुलंद आवाज व आधुनिक बळीराजा समजल्या जाणाऱ्या रोहित तांबे यांच्या वाढदिवसानिमित्त देवरूख येथे गुरुवारी भव्य राज्यस्तरीय नांगरणी स्पर्धांचे आयोजन करण्यात आले आहे.
रिपब्लिकन पार्टी ऑफ इंडियाचे कोकण प्रदेशाध्यक्ष रोहित तांबे हे अल्पावधीत जनतेच्या मनात आपले स्थान निर्माण करण्यात यशस्वी झाल्याचे दिसत आहे. कार्यकर्त्यांच्या आग्रहास्तव श्री तांबे यांचा वाढदिवस साजरा करण्यात आला, यानिमित्ताने गोरगरीब विद्यार्थ्यांना वह्या वाटप करण्यात येणार आहे. तसेच गुरुवार दिनांक 19 रोजी देवरुख बागवाडी येथे भव्य राजस्तरीय नांगरणी स्पर्धेचे आयोजन करण्यात आले आहे.
या स्पर्धेत लाखोंच्या बक्षिसांची लय लूट होणार आहे. यामध्ये घाटी व गावठी असे एकूण २० विजेत्यांना या स्पर्धेत सन्मानित करण्यात येणार आहे.
सदर स्पर्धेच्या आयोजनासाठी रोहित दादा विचार मंच, कोकण विकास संघर्ष समिती कार्यकर्ते प्रचंड मेहनत घेत आहेत .यामध्ये उद्योजक अक्षय जाधव सागर मोहिते ज्येष्ठ नेते संगम पवार मंगेश कदम भैया जाधव बाबू गोपाळ धर्मा कांबळे रोहित मोहिते शैलेश जाधव दिनेश जाधव विनोद कांबळे प्रवीण जाधव आदी कार्यकर्त्यांचा समावेश आहे.
