खेड : तालुक्यातील कर्जी-आमशेत येथे जयपूर येथील तरूणाचा आकस्मिक मृत्यू झाल्याची घटना घडली. अनिल पारस शर्मा (39, जयपूर) असे मृत्यू झालेल्या तरुणाचे नाव आहे. शर्मा याचा 29 ऑगस्ट रोजी सकाळच्या सुमारास सवणस येथे आकस्मिक मृत्यू झाला.
शर्मा व शमशुद्दीन अन्सारी हे दोघे एकमेकांशी वाळूच्या कामासंदर्भात चर्चा करत असताना त्याच्या छातीत दुखू लागले. अस्वस्थ वाटू लागल्याने त्याला सवणस येथील एका खासगी रूग्णालयात उपचारासाठी दाखल करण्यात आले असता वैद्यकीय अधिकाऱ्यानी त्यास तपासून मृत घोषित केले. याप्रकरणी येथील पोलीस स्थानकात आकस्मिक मृत्यूची नोंद करण्यात आली आहे.
