दापोली : तालुक्यातील दाभोळ येथे सिद्धेश दिनेश चव्हाण या 25 वर्षीय तरुणाने आत्महत्या केली. ही घटना मंगळवारी रात्री 12.45 ते 1.30 च्या सुमारास घडली. दाभोळ पोलिसांनी दिलेल्या माहितीनुसार, सिद्धेश चव्हाण कोणत्याही प्रकारचा कामधंदा करत नव्हता. त्याला दारूचे व्यसन होते. दारूच्या नशेत स्वत:हून घराच्या मागील बाजूस सार्वजनिक जागेत असलेल्या आंब्याच्या झाडाला त्याने गळफास लावून घेतला. या बाबत दाभोळ पोलीस स्थानकात आकस्मिक मृत्यू म्हणून नोंद करण्यात आली असून अधिक तपास दाभोळ पोलीस करीत आहेत.
दापोलीत 25 वर्षीय तरुणाची आत्महत्या
