रायगड : मुंबई-गोवा महामार्गावरील रायगड जिल्ह्यातील पोलादपूर हद्दीतील सुंदरराव मोरे महाविद्यालयाजवळ गुरूवारी सायंकाळच्या सुमारास झालेल्या अपघातात तरूणाचा जागीच मृत्यू झाला. सोहेल साळुंखे (26, कळवा, ठाणे) असे मृत तरुणाचे नाव आहे.
तो ठाणे येथून रत्नागिरीला दुचाकीने जात असताना अज्ञात वाहनाने त्याच्या दुचाकीला दिलेल्या धडकेने त्याचा मृत्यू झाल्याचा अंदाज वर्तवण्यात येत आहे. धडक देणाऱ्या वाहनचालकाने घटनास्थळावरून पलायन केले. त्याच्या खिशातील निवडणूक ओळखपत्रावरून त्याची ओळख पटवण्यात यश आले. अपघाताचे वृत्त कळताच पोलादपूर पोलीस तातडीने घटनास्थळी पोहोचले.
