रत्नागिरी : शहरानजीकच्या कुवारबाव येथील उपप्रादेशिक परिवहन विभागाच्या नजीक अनोळखी मृतदेह आढळून आल़ा ही घटना बुधवारी सकाळी उघडकीस आल़ी. मृताचे वय अंदाजे 55 असल्याचे सांगण्यात येत आह़े. या घटनेची नोंद रत्नागिरी शहर पोलिसांत करण्यात आली आह़े.
पोलिसांनी दिलेल्या माहितीनुसार कुवारबाव परिसरातील उपप्रादेशिक परिवहन विभागाच्या नजीक अनोळखी मृतदेह स्थानिकांना दिसून आल़ा. मृतदेह कुजलेल्या अवस्थेत असल्याने या परिसरात दुर्गंधी पसरली होत़ी. या घटनेची खबर रत्नागिरी शहर पोलिसांना देण्यात आल़ी त्यानुसार पोलिसांनी घटनास्थळाचा व मृतदेहाचा पंचनामा करुन मृतदेह शवविच्छेदनासाठी जिल्हा शासकीय रुग्णालय येथे पाठविल़ा. मृताची अद्याप ओळख पटविण्याचे काम पोलिसांकडून करण्यात येत आह़े.
