संगमेश्वर : परचुरी येथे आयोजित मंगळागौर स्पर्धेत दत्त साई मंदिर परचुरी संघाने प्रथम क्रमांक पटकावला आहे.
शिवसेना फुणगूस पंचायत समिती गण आणि उदय प्रतिष्ठान, महिला आघाडीच्यावतीने ही स्पर्धा आयोजित करण्यात आली होती. या स्पर्धेला महीला विभाग प्रमुख- पुनम देसाई , महीला उपविभाग प्रमुख शर्वरी वेल्ये , माजी उपसभापती व उपतालुकाप्रमुख – पर्शुराम वेल्ये, विभाग प्रमुख – महेश देसाई,मनमोहन देसाई, दिपक लिंगायत, इतर पदाधिकारी व सर्व सरपंच उपस्थित होते. या स्पर्धेला मोठ्या संख्येने महिलांनी उपस्थिती दाखवली.
स्पर्धेत प्रथम क्रमांक दत्त साई मंदिर परचुरी, कोंडये देऊळवाडी हनुमान सेवा मंडळ सुतारवाडी आणि सखी ग्रुप कोंडयेने अनुक्रमे द्वितीय, तृतीय आणि चौथा क्रमांक पटकावला. ह्या स्पर्धा मोठ्या उत्साहात संपन्न झाल्या. या स्पर्धेचे सूत्रसंचालन – सुनिल बेडकळे आणि पंच म्हणून आसावरी आखाडे – राऊत,गणेश राऊत यांनी काम पाहिले.
