तरवळ/अमित जाधव:-रत्नागिरी तालुक्यातील भारतीय बौद्ध महासभा, तालुका शाखा रत्नागिरी यांच्या वतीने, ग्राम शाखा लाजुळ, बौध्दजन सेवा कमिटी लाजुळ (रजि.) स्थानिक व मुंबई तसेच आदर्श महिला मंडळ लाजुळ यांच्या सहकार्याने लाजुळ येथील लुबिंनी बुद्ध विहार येथे सोमवार दिनांक १९/०८/२०२४ रोजी श्रावण पौर्णिमेच्या दिवशी वर्षावास कार्यक्रम संपन्न झाला.
कार्यक्रमाची सुरुवात तालुका व गाव शाखा पदाधिकारी व धम्म बांधव यांच्या उपस्थितीत मान्यवरांच्या हस्ते आदर्श तथागत भगवान बुद्ध आणि बोधिसत्व डॉ बाबासाहेब आंबेडकर यांना पुष्पहार अर्पण करून दिपप्रज्वलन करण्यात आले व संपूर्ण सुत्रपठण घेण्यात आले.
यानंतर ग्राम शाखेच्या वतीने तालुका शाखेचे पदाधिकारी व मान्यवर यांचे स्वागत करण्यात आले. गाव शाखा लाजुळचे जेष्ठ सभासद व मार्गदर्शक आयु. रघुनाथ कमलाकर सावंत, रमेश गुणाजी सावंत यांचा तालुका शाखेच्या वतीने सन्मान करण्यात आला.
तालुका अध्यक्ष आयु. विजय मोहिते व संस्कार विभाग प्रमुख आयु. संजय कांबळे, गाव शाखेचे अध्यक्ष व तालुका संरक्षण विभाग प्रमुख आयु. प्रितम सावंत व गावचे जेष्ठ सभासद रमेश गुणाजी सावंत यांनी या वर्षावास कार्यक्रमासाठी शुभेच्छा दिल्या.
रत्नागिरी तालुक्याच्या मार्फत वर्षावास कार्यक्रमांचे आयोजन केले जाते आणि या वर्षावास मालिकेतील ७ वा विषय श्रावण पौर्णिमेचं महत्त्व व पराभव सुत्त (पराभवाची कारणे व उपाय) या विषयावर प्रवचनकार, श्रामणेर बौद्धाचार्य व पाली भाषेचे अभ्यासक आयु. नंदकुमार यादव, निवेंडी भगवतीनगर यांनी श्रावण पौर्णिमेला डाकू अंगुलीमालाची धम्मदीक्षा व प्रथम धम्मसंगिनी संपन्न झाली त्यामुळे या पोर्णिमेला आपल्या धम्मामध्ये फार महत्त्व आहे. त्याचप्रमाणे माणसाच्या अधोगतीची कारणे देताना सांगितले की, ज्याला दुर्जनांचा सहवास प्रिय वाटतो, आळस, सभाप्रिय असतो, शक्य असूनही आई वडिलांची सेवा न करणे, जूगार, व्यसनाधीनता यांच्या अधीन होतात. थोडक्यात त्यांच्या मनावर संयम नसतो अशी अनेक कारणे सांगून अधोगतीच्या कारणांवर उपायही विस्तृतपणे विविध उदाहरणे देऊन अतिशय मौलिक असं मार्गदर्शन केले.तालुका संस्कार विभाग सचिव आयु. गौतम सावंत यांनी गाव शाखेचे व उपस्थित सर्वांचे आभार मानले.हा वर्षावास कार्यक्रम आयु. विजय रामचंद्र सावंत यांचे अध्यक्षतेखाली संपन्न झाला.
कार्यक्रमाचे प्रास्ताविक व सूत्रसंचालन गाव शाखा लाजुळचे आयु. संजय सावंत यांनी केले.
या कार्यक्रमासाठी तालुका अध्यक्ष विजय मोहिते, सचिव दिपक जाधव, संस्कार विभाग प्रमुख संजय कांबळे, सचिव गौतम सावंत, आदेश कांबळे, संघटक नंदकुमार यादव, वैभव यादव, सुरेश जाधव, सुगंध कदम, जयवंत जाधव, अनिल यादव, सिध्दार्थ जाधव, बौद्धाचार्य आयु. सुरेश जाधव- धामणसे, आयु. अनिल जाधव – ऊक्षी, तसेच ग्राम शाखा लाजुळ पदाधिकारी अध्यक्ष प्रितम सावंत, उपाध्यक्ष सेनजित सावंत, गौतम सावंत, महिला अध्यक्षा निशा सावंत, सचिव शितल सावंत, जेष्ठ सभासद व माजी पदाधिकारी प्रकाश सावंत, बुध्ददास सावंत आदी पुरूष व महिला पदाधिकारी, सदस्य व मोठ्या संख्येने लाजुळ शाखेतील धम्म बांधव उपस्थित होते.
