रत्नागिरी:-तालुक्यातील जयगड येथे ट्रकने एसटी बसला समोरुन धडक दिल्याने अपघात झाला. ही घटना बुधवारी सकाळी 8 वाजण्याच्या सुमारास घडली. सुदैवाने या अपघातात कुणीही गंभीर जखमी झाले नाही निष्काळजीपणे वाहन चालविल्याचा ठपका ठेवत ट्रकचालक जैनुलअबीदिन कचली (ऱा संदखोल रत्नागिरी मुळ गुजरात) याच्याविरुद्ध गुन्हा दाखल करण्यात आला आहे. या बाबतची फिर्याद बसचालक संतोष घोसाळे (ऱा वाटद खंडाळा) यांनी जयगड पोलिसांत दाखल केली.
पोलिसांनी दिलेल्या माहितीनुसार संतोष घोसाळे हे 14 ऑगस्ट 2024 रोजी बस (एमएच 20 बीएल 1712) घेवून जयगड ते खंडाळा असे जात होते. सकाळी 8 वाजण्याच्या सुमारास जयगड बौद्धवाडी येथे समोरुन येणारा ट्रक (एमएच 08 एपी 5613) याने बसला जोराची धडक दिली. या अपघातात दोन्ही गाड्यांचे नुकसान झाले अशी नोंद करण्यात आली आहे.
