रत्नागिरी:-रत्नागिरी रेल्वेस्टेशन परिसरातून मोटारसायकल चोरीला गेल्याचा प्रकार समोर आला आहे. ही घटना 25 जुलै 2024 रोजी रात्रीच्या सुमारास घडली. या प्रकरणी श्रीकृष्ण पांडुरंग होतेकर (38, रा.नाचणे रोड, रत्नागिरी) यांनी मोटारसायकल चोरीप्रकरणी रत्नागिरी शहर पोलिसांत तक्रार दाखल केली. पोलिसांनी याप्रकरणी अज्ञाताविरुद्ध गुन्हा दाखल केला.
पोलिसांनी दिलेल्या माहितीनुसार, श्रीकृष्ण यांनी आपली मोटारसायकल (एमएच 08 एएफ 2296) 25 जुलै 2024 रोजी रेल्वेस्टेशन पार्किंगमध्ये उभी करुन ठेवली होत़ी. रात्रीच्या सुमारास ही मोटारसायकल अज्ञाताने चोरुन नेली, अशी तक्रार श्रीकृष्ण यांनी शहर पोलिसांत दाखल केली. याप्रकरणी पोलिसांनी चोरट्यांविरुद्ध भारतीय न्याय संहिता अधिनिमय 2023 चे कलम 303 (2) नुसार गुन्हा दाखल केला. पुढील तपास पोलिसांकडून करण्यात येत आहे.
