रत्नागिरी:-जिल्ह्याचे पोलीस अधीक्षक धनंजय कुलकर्णी रत्नागिरी लायन्स क्लबच्या विविध सेवाकार्याबद्दल विशेष कौतुक केले.
कुलकर्णी यांच्या नुकत्याच झालेल्या बढतीसाठी त्यांचे अभिनंदन लायन्स क्लबच्या सभासदांनी केले.
त्यावेळी कुलकर्णी यांनी लायन्स क्लबच्या कामांचे कौतुक केले. लायन्स क्लबकडून भविष्यात कोणतेही सेवाकार्य करत असताना पोलिसांचे सहकार्य मिळेल, अशी ग्वाही त्यांनी दिली. शासनाच्या विविध योजना सर्वसामान्य जनतेपर्यंत पोहोचविण्याचे आवाहनदेखील त्यांनी लायन्स क्लबला केले. स्वच्छ भारत मिशनअंतर्गत विविध उपक्रम घेऊन रत्नागिरीतील किनाऱ्यांचा परिसर स्वच्छ राहण्यासाठी उपाययोजना लायन्स क्लबने कराव्यात, असेदेखील त्यांनी सुचविले.
