दापोली : तालुक्यातील गिम्हवणे येथून पल्लवी यशवंत रेशीम (28, पंणदेरी ता, मंडणगड, सध्या गिम्हवणे) ही विवाहिता बेपत्ता झाल्याची घटना मंगळवारी घडली. पल्लवी रेशीम बेपत्ता झाल्याची खबर दापोली पोलीस स्थानकात योगिता संजय देवघरकर (35, गिम्हवणे, सुतारवाडी) यांनी दिली.
याबाबत पोलिसांनी दिलेल्या माहितीनुसार पल्लवी रेशीम या गिम्हवणे येथून घरात कोणालाही काहीही न सांगता निघून गेल्या. त्या संध्याकाळपर्यंत घरी न आल्याने त्यांचा आजूबाजूला शोध घेण्यात आला. तसेच त्यांच्या नातेवाईकांकडेही चौकशी करण्यात आली. त्या कोठेही आढळून न आल्याने पोलीस स्थानकात बेपत्ता झाल्याची नोंद करण्यात आली. याप्रकरणी दापोली पोलीस स्थानकाचे सहाय्यक पोलीस फौजदार गायकवाड अधिक तपास करीत आहेत.
