दुचाकीस्वार गंभीर जखमी
देवरुख/समीर शिगवण:-देवरुख कोसूंब येथील लेझर पॉइंट जवळ बोलेरो चालकाने दुचाकीस्वाराला चेंडू सारखा उडवल्याने दुचाकीस्वार गंभीर जखमी झाला आहे. ही घटना नुकतीच अर्धा तासापूर्वी घडली आहे. बाबू गुरव (कोसुंबं) असे गंभीर जखमी दुचाकी स्वाराचे नाव आहे.
सविस्तर वृत्त असे की, बाबू गुरव हा आपल्या दुचाकीवरून रात्री १०.४५ वाजण्याच्या सुमारास कोसुंब येथील घरी चालला होता. यावेळी लेझर पॉइंट येथे अंतर्गत रस्त्याने येणाऱ्या चारचाकी बोलेरोने दुचाकीला जोरदार धडक दिली. यामध्ये दुचाकीस्वार चेंडू सारखा उडाला. तो रस्त्यावर पडून होता. त्याला गंभीर जखमी अवस्थेत देवरूख येथे उपचारासाठी दाखल करण्यात आले आहे. ग्रामीण वार्ताला नुकत्याच मिळालेल्या माहितनुसार गंभीर दुचाकीस्वाराला अधिक उपचारासाठी रत्नागिरी जिल्हा रुग्णालयात हलविण्यात येत आहे, असे समजते. या अपघातात दुचाकीचे मोठे नुकसान झालेले आहे.
