रत्नागिरी:-शहरानजीकच्या कर्ला-आंबेशेत रस्त्यावर अज्ञात वाहनाच्या धडकेत दुचाकीस्वार जखमी झाला. ही घटना मंगळवारी दुपारी 2 च्या सुमारास घडल़ी. शशिकांत भाऊ वालम (58, रा.कर्ला आंबेशेत) असे जखमी दुचाकीस्वाराचे नाव आहे. या घटनेची नोंद रत्नागिरी शहर पोलिसांत करण्यात आली आहे.
पोलिसांकडून मिळालेल्या माहितीनुसार, शशिकांत वालम हे 18 जून 2024 रोजी दुचाकीने कर्ला-आंबेशेत रस्त्याने जात होत़े. दुपारी 2 च्या सुमारास अज्ञात वाहनाने त्यांच्या दुचाकीला जोराची धडक दिली. या अपघातात वालम हे जखमी झाले त्यांना उपचारासाठी तातडीने रत्नागिरी जिल्हा शासकीय रूग्णालय येथे दाखल करण्यात आल़े या प्रकरणी पुढील तपास पोलिसांकडून करण्यात येत आहे.
