मिरजोळे येथे गावठी हातभट्टीवर धाड

रत्नागिरी:-रत्नागिरी शहरानजीकच्या मिरजोळे पाटीलवाडी येथील जंगलमय भागात विनापरवाना हातभट्टी दारुची चोरटी विक्री होत असल्याची माहिती पोलिसांना मिळताच पोलिसांनी कारवाई केली. या कारवाईत 550 रुपयांची पाच लिटर दारु पोलिसांनी जप्त केली. शहर पोलिस ठाण्यात संशयिताविरुद्ध गुन्हा दाखल केला आहे. ही घटना रविवारी (ता. 16) सायंकाळी पाचच्या सुमारास मिरजोळे पाटीलवाडी येथील जंगलमय भागात नदीकिनारी एका आंब्याच्या झाडाच्या आडोशाला निदर्शनास आली. महेंद्र रवींद्र जाधव असे संशयिताचे नाव आहे. पोलिसांकडून मिळालेल्या माहितीनुसार, महेंद्र जाधव याच्यावर केलेल्या कारवाईत 550 रुपयांची पाच लिटर दारुची विक्री करत असताना सापडला. या प्रकरणी पोलिस हेड कॉन्स्टेबल शरद कांबळे यांनी शहर पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.