रत्नागिरी किर्तीनगर येथील अपघातप्रकरणी दुचाकी चालकावर गुन्हा

रत्नागिरी:-शहरातील किर्तीनगर बसस्टॉपजवळ एका भरधाव दुचाकी चालकाने दुसऱ्या दुचाकीला जोरदार धडक देत स्वत:सह दुसऱ्या दुचाकीस्वाराला जखमी केले. तसेच दोन्ही गाड्यांचे नुकसानीस कारणीभूत ठरल्याप्रकरणी शहर पोलिस स्थानकात गुन्हा दाखल करण्यात आला आहे.

पोलिसांनी या गुन्ह्याचा आरोप ऋतिक दिलीप आग्रे (वय 24, रा. जांभरूण) याच्यावर ठेवला आहे. ऋतिक हा आपल्या ताब्यातील स्प्लेंडर गाडी (एमएच-08, एवाय-4253) रत्नागिरी येथून मजगाव कडे चालवित जात होता. किर्तीनगर बसस्टॉपजवळ जाताच विमानतळ ते कोकणनगर अशी समोरून येत असलेल्या (एमएच-08, बीबी-0715) या ज्युपीटर दुचाकीला डाव्या बाजूने जोरदार ठोकर दिली. या अपघातात दुचाकीवरील दिपाली प्रकाश जाधव (वय 42, रा. महादेव नगर विमानतळ जवळ) या जखमी झाल्या. तर ऋतिक आग्रे हा देखील जखमी झाला. या अपघातात दोन्ही गाड्यांचे नुकसान झाले.