खेडमध्ये आठवडा बाजारात चोरी करणाऱ्या चोरट्याला रंगेहाथ पकडले

खेड:-खेड-भरणे मार्गावरील भरणे येथील आठवडा बाजारात गर्दीचा फायदा उठवत बॅगेतील 20 हजार रुपयांची रोकड लंपास करणाऱ्या हिरासिंग राठोड या चोरट्यास रंगेहाथ पकडून पोलिसांच्या स्वाधीन करण्यात आले.

सयाजी बापू गायकवाड हे आठवडा बाजारात खरेदीसाठी गेले होते. आठवडा बाजारात खरेदी केल्यानंतर व्यावसायिकास पैसे देत असताना भंगार गोळा करणाऱ्या हिरासिंग राठोड याने सयाजी गायकवाड यांच्या बॅगेतील 20 हजार रुपयांची रोकड लंपास करण्याचा प्रयत्न केला. मात्र 500 च्या नोटा असलेले बंडल खाली पडल्याने आजुबाजूच्या लोकांच्या लक्षात येताच त्याला रंगेहाथ पकडले.