मुंबई:-विजय एम मिस्त्री कन्स्ट्रक्शन प्रा. लिमिटेडला दि.३० मे रोजी कोकणातील कुणकेश्वर आणि काळबादेवी येथील दोन नवीन पुलांच्या नागरी बांधकामासाठी सर्वात कमी बोलीदार म्हणून घोषित करण्यात आले.
महाराष्ट्र राज्य महामार्ग SH-4 (रेवस-रेड्डी सागरी महामार्गावरील) वरील हे दोन्ही पूल महाराष्ट्र राज्य रस्ते विकास महामंडळद्वारे खाड्या आणि नद्या ओलांडून बांधण्यात येणाऱ्या किमान ८ नवीन पुलांच्या मालिकेचा एक भाग आहेत. महाराष्ट्र रस्ते विकास महामंडळाने दोन्ही पुलांच्या बांधकामासाठी मार्च २०२४मध्ये तीन वर्षांच्या बांधकाम मुदतीसह निविदा मागवल्या होत्या. १५मे रोजी कुणकेश्वर पुलाच्या कंत्राटासाठी ३ आणि काळबादेवी पुलाच्या कंत्राटासाठी २ निविदाकारांसाठी तांत्रिक निविदा उघडण्यात आल्या होत्या.
महाराष्ट्र राज्यातील सिंधुदुर्ग जिल्ह्यातील रेवस रेड्डी कोस्टल हायवेवरील कुणकेश्वर येथे हा पूल बांधण्यात येणार आहे.१.६ किमी लांबीचा कुणकेश्वर पूल सिंधुदुर्ग जिल्ह्यातील कुणकेश्वर मंदिरासमोर बांधण्यात येईल. यामध्ये १६५ मीटर लांबीच्या मुख्य स्पॅनसह ३३० मीटर लांबीचा ‘आयकॉनिक’ पुलाचा समावेश आहे. तर २ लेन असलेला १.८ किमी लांबीचा काळबादेवी पूल रत्नागिरी जिल्ह्यातील काळबादेवी खाडीवरील काळबादेवी बीच आणि सदामिर्याला जोडेल.
कोकणातील दोन पुलांच्या कामाला गती
