( चिपळूण )
मुंबई-गोवा महामार्गाच्या चौपदरीकरणाचे काम करणाऱ्या इगल इंन्फा कंपनीमध्ये कार्यरत असलेल्या तीन कामगारांनी महामार्गावरील फरशी तिठा येथे सुरु असलेल्या रिटेनिंग वॉलच्या कामासाठीचे 6 हजार 600 रुपये किंमतीचे साहित्य चोरुन नेल्याची घटना 2 जून रोजी उघडकीस आली आहे. याप्रकरणी त्या तिघांवर चिपळूण पोलिस स्थानकात गुन्हा दाखल करण्यात आला आहे.
आलम खुरशेद अली शेख (26, सध्या-पेढे, मुळ-कोलकता), नुरआलम हासमद्दीन शेख (20, सध्या-पेढे, मुळ-झारखंड), सोलीम रिटी शेख (26, सध्या-पेढे, मुळ-कोलकता) अशी गुन्हा दाखल झालेल्यांची नावे आहेत. याबाबतची फिर्याद प्रेमप्रकाश रामाशकर सिंग कुसवाह (32, कामथे) यांनी दिली.
पोलिसांनी दिलेल्या माहितीनुसार, प्रेमप्रकाश कुसवाह हे इगल इन्फ्रा कंपनीमध्ये इंजिनिअर म्हणून कार्यरत असून त्यांच्याकडे आलम शेख, नुरआलम शेख, सोलीम शेख हे तिघेजण कामाला हेते. त्या तिघांनी एकमेकांचे संगमनताने मुंबई-गोवा महामार्गावरच्या फरशी तिठा येथे असलेल्या रिटेनिंग वॉलच्या कामासाठी असलेल्या 6 हजार 600 रुपये पिंमतीचे 300 किलो वजनाच्या लहान-मोठ्या लांबीच्या लोखंडी सळई हे साहित्य कंपनीच्या संमत्तीशिवाय चोरुन नेवून फरशी तिठा येथील भंगार दुकानाच्या बाहेर टाकले. हा प्रकार प्रेमप्रकाश कुसवाह यांना समजल्यानंतर त्यांनी पोलीस स्थानकात दिलेल्या फिर्यादीनुसार आलम शेख, नुरआलम शेख, सोलीम शेख या तिघांवर रविवारी गुन्हा दाखल करण्यात आला.
