ब्रेकिंग:गुहागरात आढळला मृतदेह,तालुक्यात खळबळ

गुहागर:- जिल्ह्यात खून, मारामारी, बेवारस मृतदेह सापडणे अशा अनेक घटना घडत आहे. त्यातच आज शनिवारी सकाळी गुहागरातील देवघर येथे अज्ञात व्यक्तीचा मृतदेह आढळल्याने तालुक्यात खळबळ उडाली आहे.हा मृतदेह कुजलेल्या अवस्थेत असून त्याची ओळख पटवणे कठीण आहे. मात्र हा घातपात आहे की नेमका कोणत्या कारणाने मृत्यू झाला आहे याचा तपास पोलीस करत आहेत.

गुहागर चिपळूण मार्गावरील देवघर येथील नदीच्या किनाऱ्यावर एका 30 ते 35 वर्षाच्या व्यक्तीचा मृतदेह काही लोकांना दिसून आला. मात्र हा मृतदेह कुजलेल्या अवस्थेत होता. त्यामुळे दुर्गंधी येत होती. या मृतदेहाची माहिती पोलिसांना देण्यात आली. पोलीस घटनस्थळी दाखल होऊन मृतदेहाची ओळख पटवण्याचे काम करत आहेत. असे असले तरी हा घातपात आहे की नैसर्गिक मृत्यू याचा ही तपास पोलीस करत आहेत. शिवाय परिसरात कोणी बेपत्ता झाले आहे का? याची नोंद पोलीस ठाण्यात करण्यात आली आहे का? याचीही तपास पोलीस करत आहेत.

गुहागर पोलीस ठाण्याचे पोलिस निरीक्षक सचिन सावंत यांच्या मार्गदर्शनाखाली नलावडे त्यांचे सहकारी याचा अधिक तपास करत आहेत.