पाटपन्हाळे (वार्ताहर) : नुकत्याच जाहीर झालेल्या बारावीच्या निकालामध्ये शृंगारतळी तसेच चिपळूण येथील युनिटेक कॉम्प्युटर एज्युकेशन सेंटरच्या विद्यार्थ्यांनी उज्वल यशाची परंपरा कायम राखत आर्ट्स, कॉमर्स व सायन्स शाखेत यंदाही उज्ज्वल यश प्राप्त केले आहे. त्यामध्ये सानिया मालाणी या विद्यार्थिनीने ९५.५० टक्के गुण घेऊन कॉमर्स शाखेत गुहागर व चिपळूण तालुक्यामध्ये प्रथम येण्याचा मान मिळविला.
सानियाने युनिटेक कॉम्प्युटर एज्युकेशन सेंटर येथे एम्.एस्. सी.आय.टी. (MS-CIT) हा कोर्स पूर्ण करून टॅली या कोर्सचे प्रशिक्षण युनिटेक कॉम्प्युटर येथे घेत आहे. तिच्या या यशाबद्दल फ्लाईट एज्युकेशनल अँड चॅरिटेबल ट्रस्ट चे अध्यक्ष तसेच युनिटेक कॉम्प्युटर एज्युकेशन सेंटरचे संस्थापक मा. शब्बीर बोट यांच्या हस्ते तसेच फ्लाईट एज्युकेशनल अँड चॅरिटेबल ट्रस्ट चे सचिव व युनिटेक कॉम्प्युटर एज्युकेशन सेंटरचे व्यवस्थापकीय संचालक प्रा. जहूर बोट यांच्या उपस्थितीत सानिया मालाणी हिचा सत्कार करण्यात आला. बारावी परीक्षेत उत्तीर्ण झालेल्या सर्व विद्यार्थ्यांचे युनिटेक कॉम्प्युटर एज्युकेशन सेंटर च्या पर्यवेक्षिका पल्लवी शेट्ये यांनी अभिनंदन केले तर संस्थेचे अध्यक्ष शब्बीर बोट यांनी सर्व विद्यार्थी, त्यांचे पालक व शिक्षक यांचे अभिनंदन करून त्यांच्या पुढील वाटचालीस शुभेच्छा व्यक्त केल्या
सानिया अल्ताफ मालाणी कॉमर्स शाखेत गुहागर व चिपळूण तालुक्यात प्रथम
