कुमार यश विकास चव्हाण 89.40% विद्यालयात आला पहिला
खेड/सुदर्शन जाधव:-रत्नागिरी जिल्ह्यातील खेड तालुक्यातील चोरवणे गाव खेड पासून ५५ किलोमीटर आणि चिपळूण पासुन ४० किलोमीटर आहे.चोरवणे गाव नागेश्वर देवस्थान आणि इतिहासाची पाऊलखुणा दाखवणाऱ्या वासोटा किल्याच्या पायथ्याशी वसलेले आहे.अशा या दुर्गम भागात नागेश्वर शिक्षण प्रसारक मंडळ, मुंबई संचालित शारदा विहार माध्यमिक विद्यालय चोरवणे हायस्कुल आहे.कित्येक वर्षांपासून या विद्यालयाचा निकाल १००% लागत आहे.यावर्षी शारदा विहार माध्यमिक विद्यालय चोरवणें हायस्कुल मध्ये इयत्ता १० वी चे सर्वच विद्यार्थी पास झाले आहेत.१००% निकाल लागण्या मागचे एकच कारण आहे येथील मार्गदर्शन करणारे शिक्षक उत्तम प्रकारे मार्गदर्शन करत आहेत आणि विद्यार्थी ही उत्तम प्रकारे अभ्यास करून पास होत आहेत.प्रथम क्रमांक- कुमार यश विकास चव्हाण 89.40%,द्वितीय क्रमांक-कुमारी आरफिया आयुब खेरटकर 85.20%,तृतीय क्रमांक-कुमार सोहम संतोष पालांडे 84.80%.सर्व यशस्वी विद्यार्थ्यांचे सर्व स्थरावरून अभिनंदन होत आहे.या विद्यार्थ्यांना मार्गदर्शन करणारे विद्यालयाचे मुख्याध्यापक श्री. गावडे सर,सौ.भुजबळ मॅडम,श्री.भंडारे सर, उतेकर सर ( विद्यालयाचे माजी मुख्याध्यापक श्री.देशमाने सर व ऋतुजा खेर यांचे काही काळ) मार्गदर्शन लाभले.या यशामध्ये संस्थेचे अध्यक्ष श्री.भिकाजी महादेव उतेकर,कार्याध्यक्ष श्री.सुधाकर महादेव उतेकर,सर्व कार्यकारिणी सदस्य ,तसेच संस्थेचे आजी माजी पदाधिकारी, शालेय समिती,शाळा व्यवस्थापन समिती सर्व सदस्य यांचे मोलाचे सहकार्य लाभले.या सर्व शिक्षक व शिक्षकेत्तर कर्मचारी व संस्था पदाधिकारी यांचे चोरवणे पंचक्रोशी भागातून अभिनंदन होत आहे.
