खेडमध्ये किरकोळ कारणातून दोघांना मारहाण, पती-पत्नीवर गुन्हा

खेड:-तालुक्यातील शिव बुद्रुक येथे किरकोळ कारणावरून शिवीगाळ करत मारहाण केल्याप्रकरणी पती-पत्नीवर गुन्हा दाखल करण्यात आला आहे. ही घटना रविवारी सकाळी 8 वाजण्याच्या सुमारास घडली.

जगन तुकाराम लवंदे व जान्हवी जगन लवंदे (रा. शिवबुद्रुक भोईवाडी) अशी गुन्हा दखल करण्यात आलेल्यांची नावे आहेत. तर जानकीबाई काशिराम लवंदे, काशिराम लवंदे (रा. शिव बुद्रुक-लवंदेवाडी) अशी जखमी झालेल्यांची नावे आहेत. संशयितांच्या मुलाने फिर्यादी यांच्या अंगणात लावलेली सायकल काढण्यास सांगितल्याचा राग मनात धरून बांबुच्या काठीने फिर्यादीचे पती काशिराम लवंदे यांच्या उजव्या हाताच्या पंज्यावर व मनगटावर मारहाण करत दुखापत केल्याचे जानकीबाई लवंदे यांनी पोलीस स्थानकात दिलेल्या तक्रारीत नमूद केले आहे.