रत्नागिरीत कंपनीत कर्मचाऱ्यांमध्ये झालेल्या किरकोळ वादातून एकाला मारहाण

रत्नागिरी:- मिरजोळे एमआयडीसी येथील कंपनीत कर्मचाऱ्यांमध्ये झालेल्या किरकोळ वादातून एकाला मारहाण करण्यात आली. ही घटना शनिवारी रात्री 9 च्या सुमारास घडल़ी. श्रीपाद यशवंत कासेकर (36, रा.कुवारबाव रत्नागिरी) असे जखमीचे नाव आहे. कासेकर यांनी दाखल केलेल्या तक्रारीनुसार पोलिसांनी मारहाण करणाऱ्याविरूद्ध गुन्हा दाखल केला.

तेजस शेलार (रा.कसोप रत्नागिरी) असे गुन्हा दाखल करण्यात आलेल्या संशयिताचे नाव आहे. पोलिसांनी दिलेल्या माहितीनुसार, 20 एप्रिल रोजी कंपनीत काम करत असताना तेजस शेलार व श्रीपाद कासेकर यांच्या वाद झाला. यातून तेजस शेलार याने हातात स्टील रॉड घेवून कासेकर याच्या डोक्यात मारून दुखापत केली, अशी तक्रार पोलिसांत दाखल करण्यात आल़ी त्यानुसार पोलिसांनी तेजस याच्याविरूद्ध भादंवि कलम 324,506 नुसार गुन्हा दाखल केला.