डांबर वितळवणाऱ्या गाडीला लागली आग

चिपळूण:-शहरातील अंतर्गतर रस्त्याचे खड्डे भरतेवेळी नगर परिषदेच्या डांबर वितळवणाऱ्या गाडीला आग लागल्याची घटना मंगळवारी दुपारी 4 च्या सुमारास शहरातील विरेश्वर तलाव परिसरातील मार्गावर घडली. भडकलेली आग आटोक्यात आणण्यासाठी नगर परिषदेच्या कर्मचाऱयाची तारांबळ उडाली. अखेर आगीच्या झोतावर बारीक खडी टाकून त्यावर नियंत्रण आणण्यात आले. यावेळी अग्निशमन बंबाला पाचारण करण्यात आले होते. 

 शिमगोत्सवाच्या पार्श्वभूमीवर शहरातील अंतर्गत रस्त्यावर पडलेले खड्डे नगर परिषदेकडून भरले जात आहेत. मध्यवर्ती बसस्थानाकडून येणाऱया मार्गावरीले खड्डे भरण्यो काम मंगळवारी सुरू असताना डांबर वितळवणाऱ्या गाडीत डांबर ओतण्यात आले होते. शिवाय या गाडीत खालील बाजून लाकडे टाकून ती पेटवण्यात आली असताना काहीवेळानंतर आगा भडका उडून गाडीने अचानकपणे पेट घेण्यास सुरुवात केली. एकेकीडे खड्डे भरण्याचे काम सुरु असताना हा प्रकार कर्मचाऱ्यांच्या लक्षात आल्यानंतर त्यांनी तत्काळ ही आग आटोक्यात आणण्यासाठी प्रयत्न सुरु केला. पहिल्यादा आगीवर नियंत्रण आणण्यासाठी त्यावर बारीक खडी टाकण्यात आली. तसेच लगतच असलेल्या एका हॉटेलमधून पाणी घेऊन तेही मारण्यात आले. पाच ते सात मिनिटाच्या पयत्नानंतर ही आग आटोक्यात आली. अखेर नगर परिषदेच्या अग्निशमन बंबाला पाचारण करण्यात आले. त्याव्दारे या डांबर वितवळणाऱ्या गाडीवर पाण्याचा फवारा मारण्यात आला. त्यानंतर विरेश्वर तलाव परिसरातील मार्गावरचे खड्डे भरण्याचे काम बंद करण्यात आले.