बावनदीच्या पात्रात बुडून परचुरीतील प्रौढाचा मृत्यू

संगमेश्वर:-तालुक्यातील परचुरी बावनदीच्या खाडीत बुडून 45 वर्षीय तरूणाचा मृत्यू झाला. बुधवारी रात्री उशिराने या घटनेची नोंद संगमेश्वर पोलीस ठाण्यात करण्यात आली आहे.

पोलीस ठाण्यातून मिळालेल्या माहितीनुसार, प्रवीण महादेव कळंबटे (रा. परचुरी कळंबटेवाडी) असे मृतचे नाव आहे. कळंबटे या हा बुधवारी परचुरी येथील बावनदीमध्ये शौचालयासाठी गेला होता. किनयीचे शेत आंब्याच्या झाडाखाली तो शर्ट व चप्पल काढून गेला होता. पाय घसरल्याने तो खाडीत पडला. पाण्याचा अंदाज न आल्याने प्रवीण याचा मृत्यू झाला. याची खबर संगमेश्वर पोलिसांना मिळताच पोलिसांनी घटनास्थळी जाऊन पाहणी व पंचनामा केला. या घटनेची नोंद रात्री उशिराने संगमेश्वर पोलीस ठाण्यात करण्यात आली.