संगमेश्वर / प्रतिनिधी:-गोळवली (ता. संगमेश्वर) येथील हौशी कलाकार नमन मंडळ यांनी राधागोविंद फाउंडेशन आयोजित जिल्हास्तरीय स्पर्धेत प्रथम क्रमांक पटकावला आहे. गेले दोन दिवस या स्पर्धा सावर्डे येथे चालू होत्या.
अनेक नामवंत नमन मंडळांनी सहभाग नोंदवला होता. यामध्ये गोळवली नमन मंडळाने आपल्या आकर्षक व कलाकृतीने व सादरीकरणाने या स्पर्धेत प्रथम क्रमांक पटकवाला. सांघिक पारितोषिकसह उत्कृष्ट मावशी व उत्कृष्ठ गण हे देखील पारितोषिके पटकावले.
या मंडळाचे स्वागत करण्यात आले.यावेळी रत्नागिरी जिल्हा परिषदेचे माजी अध्यक्ष श्री. संतोष थेराडे यांनी आपल्या सहकायांसोबत या मिरवणूकीचे जंगी स्वागत केले. यावेळी थेराडे यांनी मनोगत व्यक्त करताना माझे सर्व सहकारी लोककला क्षेत्रात येवढे मोठे यश संपादन करतात तेव्हा मनस्वी आनंद होतो. भविष्यात आणखी यश प्राप्त होवो अश्या सर्व सहकाऱ्यांना शुभेच्छा दिल्या.
यावेळी सर्व सहकारी कलाकारांनी देखील थेराडे यांचे आपल्या नमन मंडळास कायम सहकार्य राहत आले आहे व यापुढे असेच सहकार्य आणि प्रेम राहूदे असे सांगितले व आम्ही देखील आपल्या पाठीशी भक्कम पणे उभे राहू असे सांगितले. अशा प्रकारे सर्वांनी मिळून या यशाचा आनंदोत्सव साजरा केला.
यावेळी विभागप्रमुख श्री. अनंत उजगावकर, उपविभाग प्रमुख श्री. अरविंद जाधव, श्री दत्ताशेठ लाखण, कडवई सरपंच सौ.विशाखा कुवळेकर, पं सदस्य श्री. रामचंद्र हरेकर, श्री. प्रदीप चोगले,हौशी कलाकार नमन मंडळाचे श्री. विजय दुदम, श्री.दिपक चव्हाण,श्री. विष्णू विंजले, श्री. मनोहर किंजळकर श्री. संतोष पाष्टे,श्री नारायण दुदम, श्री. किशोर करंडे व त्यांचे सर्व सहकारी कलाकार व ग्रामस्थ उपस्थित होते.
सावर्डेतील जिल्हास्तरीय नमन स्पर्धेत गोळवली हौशी कलाकार नमन मंडळ
