संगमेश्वर:-तालुक्यातील आरवली गुरववाडी येथे गडनदी पात्रामध्ये कर्नाटक येथील 57 वर्षीय प्रौढाचा बुडून मृत्यू झाल्याची घटना मंगळवारी घडली. या घटनी नोंद संगमेश्वर पोलीस ठाण्यात करण्यात आली आहे.
संगमेश्वर पोलीस ठाण्यातून मिळालेल्या माहितीनुसार, पांडू झापू पवार (रा. कर्नाटक, सध्या रा. आरवली गुरववाडी, ता. संगमेश्वर) असे मृत प्रौढाचे नाव आहे. पांडू पवार हे कामानिमित्त आरवली गुरववाडी येथे गडनदीकिनारी झोपडीमध्ये राहत असत. त्यांना दारूचे व्यसन होते. गडनदीपात्रामध्ये रात्री अपरात्री ते आंघोळीसाठी जात असतं. मंगळवारी सकाळी 7 वाजण्याच्या सुमारास पांडू पवार हे आंघोळीसाठी गडनदीपात्रात गेले असता पाण्यात बुडून मृत झाले. ही बाब सहकाऱ्यांच्या निदर्शनास येताच त्यांनी संगमेश्वर पोलिसांशी संपर्क साधून माहिती दिली. संगमेश्वर पोलिसांनी घटनास्थळी जावून पाहणी करून पंचनामा केला. याबाबत संगमेश्वर पोलीस ठाण्यात आकस्मिक मृत्यूची नोंद करण्यात आली आहे.
संगमेश्वर गडनदी पात्रात बुडून कर्नाटक येथील 57 वर्षीय प्रौढाचा बुडून मृत्यू
