सहावीची विद्यार्थिनी मीरा कामतेकर हिने 2002 सूर्यनमस्कार घातले
रत्नागिरी/जमीर खलफे:-भारत शिक्षण मंडळ संचलित पटवर्धन हायस्कूलच्या गुरुवर्य रामचंद्र पुरुषोत्तम जोग संजीवन गुरुकुल मध्ये रथसप्तमी निमित्त इयत्ता पाचवी व दहावी च्या विद्यार्थ्यांनी सामूहिक 33164 सूर्यनमस्कार घालून ते सूर्य देवताला अर्पण केले. इयत्ता सहावी तील विद्यार्थिनी कुमारी मीरा कामतेकर हिने वैयक्तिक 2002 सूर्यनमस्कार घातले.
रथसप्तमी निमित्त सूर्य देवताच्या प्रतिमेला अध्यापिका हिमाली सुर्वे यांच्या हस्ते पूजन करण्यात आले. यावेळी श्री कवटेकर गुरुजी यांनी मंत्र पठण केले. या कार्यक्रमाचे प्रास्ताविक प्रबंधक श्री मनोज जाधव सर यांनी केले.या कार्यक्रमाला सर्व अध्यापक उपस्थित होते.
वैयक्तिक सूर्यनमस्कारामध्ये इयत्ता सहावी मधून मीरा कामतेकर हिने 2002 सूर्यनमस्कार , कुमार मिथील डोळस (9वी) याने 2000 सूर्यनमस्कार , भावेश वैद्य (9 वी) याने 2000 सूर्यनमस्कार, कुमार अमेय पिळणकर (9वी ) 2000 सूर्यनमस्कार तसेच इयत्ता आठवी मधून चैतन्य फडके याने 1430 सूर्यनमस्कार तर इयत्ता सातवी चा ओजस चव्हाण याने 1430 सूर्यनमस्कार घातले तसेच इयत्ता सहावी मधून कुमार मानस डोळस -1300 , कुमार आराध्य कोलगे -1235 तर कुमार वरद कदम याने 1000 सूर्यनमस्कार घातले.
