जिल्हा परिषदेत महागायक/ महागायिका स्पर्धेचे आयोजन

रत्नागिरी:-सन 2023-24 रत्नागिरी जिल्हा परिषदेच्या स्नेहसंमेलनानिमित्त महगायक/महागायिका स्पर्धेचे आयोजन बुधवार 14 फेब्रुवारी रोजी आयोजित करण्यात आले आहे. जे स्पर्धक भाग घेऊ इच्छितात, त्यांनी आपली नावे 11 फेब्रुवारीपर्यंत द्यावी, असे आवाहन स्पर्धाप्रमुख जिल्हा परिषदेचे जिल्हा कार्यक्रम अधिकारी (म. बा.क.) श्रीकांत हावळे तसेच वित्त विभागाचे सहाय्यक लेखाधिकारी उपसमिती प्रमुख नागेश कमलाकर बेर्डे यांनी केले आहे.

दरवर्षीप्रमाणे जिल्हा परिषद सांस्कृतिक मंडळाकडून यंदाही विविध स्पर्धा तसेच कार्यक्रम आयोजित करण्यात आले आहेत. यात दरवर्षी गाण्यांचा कार्यक्रम घेण्यात येतो. ही स्पर्धा केवळ जिल्हा परिषदेच्या अंतर्गत येणारे कर्मचारी यांच्यासाठी आहे. तरी स्पर्धकांनी आपले नाव, हुद्दा, कार्यालयाचे नाव, गाण्याचे बोल, चित्रपटाचे नाव, संगीतकार, मूळ गायक/गायिकेचे नावनोंदणीसाठी उपसमितीप्रमुख सहाय्यक लेखाधिकारी नागेश बेर्डे यांच्याशी संपर्क साधावा, असे आवाहन करण्यात आले आहे.